Yonke imithi  yezidambisagcikwane isebenza ngokuphazamisa  ukwenelisa kwe-HIV ukuziphindaphinda.  Ukuphindaphinda kwe-HIV kulezinyathelo ezinengi ezitshiyeneyo. Izigaba ezitshiyeneyo zemithi yezidambisigcikwane zivimba i-HIV ukuthi ingakwazi ukuqedela izinyathelo ezihlukeneyo kule ngqubo. Ukwelatshwa kwakho kuzaba lenhlanganisela yalemithi yokuthithibalisa igcikwane lokuthi nxa ihlangene ikwazi ukugcina inani legcikwane egazini liphansi futhi ivimbele ukwenziwa kwe-HIV entsha.

I-Dolutegravir ingeyeqembu lemithi eyaziwa ngokuthi i-integrase inhibitors - lokhu kumisa i-HIV ekufakeni i-DNA yayo kuseli ye-CD4. Ngaphandle kokwenza lokhu, i-HIV ayikwazi ukulawula amaseli akho e-CD4.

Nxa sithi umuthi ulesithiyo esiphezulu sokungazweli, ngokuvamile sichaza inani lezinguquko igcikwane okufanele ilenze ukuze umuthi ungasebenzi. Kungachaza futhi ukuthi lezo zinguquko zingenzeka kangakanani. Kulezici ezimbalwa mayelana lesakhiwo se-dolutegravir (DTG) kanye lendlela esebenza ngayo eyenza kube nzima ukuthi i-HIV ikwazi ukuzivumelanisa lezimo futhi idlule i-DTG.

Enye yezinto ososayensi abazikhangelayo yikuthi  umuthi uhlala isikhathi esinganani emzimbeni wakho ngemuva kokuwuthatha. Ukuze babone lokhu basebenzisa lokho okwaziwa ngokuthi 'uhlangothi lwempilo' yomuthi. Uhlangothi lwempilo yomuthi kuchaza ukuthi kuthatha isikhathi esingakanani ukuthi umzimba uhlukanise umuthi. Endabeni ye-DTG, umuthi uhlala emzimbeni wakho isikhathi eside. Lokhu kutsho ukuthi ungathatha imithi yakho izikhathi ezimbalwa (kanye ngosuku esikhundleni sezikhathi ezimbalwa). Kutsho futhi ukuthi ulezinga eliphezulu lokuvikeleka nxa weqile umthamo, okwenza ukuthi ukwakheka kokungazweli komuthi kube mancane lamathuba okuba kube nzima.

I-DTG ngumuthi olwa le-HIV oqinileyo . Iyakwazi ukumisa ukuphindaphinda kwe-HIV ezindaweni eziphansi. Eminye imithi idinga ukuthi uthathe imithamo ephezulu ukuze isebenze kahle.

I-Neural tube  defects luhlobo lwenkinga yezempilakahle  engaqala ebantwaneni ngesikhathi sokuqala sokukhulelwa. Ngo-2018, kwaba lokwesaba ukuthi abesifazane abaseminyakeni yokubeletha akufanele baphiwe i-dolutegravir ngemva kokuba ucwayisiso oluncane eBotswana lubonise ukuthi ukuthatha i-dolutegravir ezigabeni zokuqala zokukhulelwa kungaba   yingozi eyengeziwe yokulimala kwe-neural tube ebantwaneni

Ubufakazi obunengi  obutholakalayo bukhombisa ukuthi ingozi incane kakhulu kulomcabango wokuqala. Kwabesifazane abanengi, inzuzo zokuthatha i-dolutegravir zidlula  izingozi. Kwabesifazane abasebenzisa izindlela zokuvimbela inzalo ezithembekile abangahlelile ukukhulelwa, le miphumela engemihle engaba khona kayikhathazi. Kodwa kwabesifazane abafuna ukuthola abantwana maduze, noma abasesigabeni sokuqala sokukhulelwa, lokhu kungaba yinto abafuna ukuxoxa ngayo labezempilakahle. 

iseluleko mayelana le-dolutegravir yikuthi abesifazane kufanele baqonde ukuthi yiziphi izinzuzo lobungozi kubo, futhi bakwazi ukuzenzela izinqumo mayelana lokwelatshwa kwabo. Kufanele babe lokufinyelela kukho kokubili ukuvimbela inzalo okuthembekile kanye lezinketho zokwelatshwa ezinhle, ukuze bakwazi ukwenza izinqumo ezilolwazi  lezempilakahle  ezilungele bona.