Izibalo ze-CD4 lokuhlolwa kwenani legcikwane egazini kukhangela izinto ezitshiyeneyo. Ukuhlolwa kwenani  legcikwane egazini kukhangela ukuthi ingakanani i-HIV emzimbeni wakho kuyilapho i-CD4 count yakho ikhangela impilo yamasotsha akho omzimba ngokubala ukuthi ulamaseli e-CD4 amangaki. Inani legcikwane egazini lingcono ekukhangeleni ukuthi imithi yakho isebenza kahle kangakanani, kanti i-CD4 count yakho isiza abasebenzi bezempilo ukuthi baqonde ukuthi kungenzeka yini uhlale unempilo enhle. 

Nakuba kutshiyene, isibalo sakho se-CD4 kanye  lenani legcikwane egazini kuvame ukuxhunyaniswa. Njengoba inani legcikwane egazini liyakhuphuka, i-HIV ilimaza amaseli e-CD4 amanengi okwenza isibalo sakho se-CD4 sehle. Nxa uqala ukwelatshwa, inani legcikwane egazini lizakwehla, okuzovumela isibalo se-CD4 yakho ukuthi sikhuphuke, njengoba amasotsha akho omzimba ezilungisa futhi eziyakha kakutsha.

Ngokuvamileyo, i-CD4 count yakho isabela kancane kancane ezinguqukweni zomzimba wakho. Inani legcikwane egazini lizokhuphuka lehle masinyane kakhulu ngenxa yokusebenza kokwelatshwa noma ukwehluleka, kuyilapho izibalo ze-CD4 zithatha isikhathi eside ukutshintsha. Yingakho ukuhlola inani legcikwane egazini kuyindlela ekhethwayo yokulandelela  ukwelatshwa kwakho.

Kubalulekile ukwakha ubudlelwano bokuthembana leqembu lakho lezempilakahle, njengoba uzobe ubabona okwesikhathi eside. Lapho ukhuluma kakhulu labo futhi ubatshela ukuthi uqhuba kanjani, yilapho uzokuthola ukunakekelwa okungcono.

Ukuze uthole okwengeziwe kumaphoyintimenti akho, kuyasiza ukulungiselela lokubhala phansi noma yiyiphi imibuzo ozafuna  ukubabuza yona. Lokhu kuyakusiza ukhumbule nxa kulezinto obufuna ukubatshela zona. Kuhle ukungenela  bekhuluma ubuze imibuzo nxa ungazwisisi okuyabe kukhulunywa yisisebenzi sezempilakahle . Kufanele uzwisise noma yiyiphi imithi oyinathayo, inhloliso ozenzayo, lanoma yikuphi ukuhlolwa lokudluliselwa onakho. Nxa uzwisisa , kuba ngcono ngoba kukusiza ukuthi ulawule impilo yakho futhi kuzokwenza uzizwe ulamandla phezuku kwempilakahle yakho .

Nxa ubona amaqembu amanengi okunakekelwa kwezempilakahle ngendubo ezitshiyeneyo  kufanele ukhulume labo omunye lomunye futhi bazi ukuthi yikuphi okunye ukunakekelwa kwezempilo noma imithi oyinathayo. Lokhu kuzobasiza baqinisekise ukuthi akukho ukusebenzisana okubi.

Nxa kulokuhluphayo, yazi ukuthi ungaya kuphi ukuze wenze isikhalazo. Kungaba komkhulu  wokunakekelwa kwezempilo ophezulu kakhulu noma omunye umuntu emphakathini  noma osehlelweni lokunakekelwa kwezempilakahke.

Lawula ama-aphoyintimenti akho kahle. Kufanele uzame ukwenza isiqiniseko sokuthi uyazi ukuthi uzobonwa nini ngokulandelayo ungakahambi  futhi uphinde ubhukhe noma yiwaphi ama-aphoyintimenti ongeke ukwazi ukuwenza.

Ukuhlolwa kwezempilo okutholayo kuya ngokuyelatshwa kwakho. Ungahlolwa futhi  okwempilakahle okutshiyeneyo kusiya lamasotsha omzimba eCD4 yakho. Ngokuvamile abasebenzi bakho bezempilakahle bazoba bethakazelele ukukukhangela:

a) amazinga eglucose egazini lakho - lokhu kubonisa ukuthi umzimba wakho uwadonsa kahle kangakanani amandla ekudleni 
b) impilakahle yakho yesibindi - ukwenza isiqiniseko sokuthi uyakwazi ukucubungula imithi yakho yegcikwane ngendlela efanele
c) ukusebenza kwezinso zakho - ukuhlola ukuthi zingakhipha ingcekeza  emzimbeni wakho ngendlela efanele
d) inani lamafutha egazini lakho, ukuminyana kwethambo lakho lempilo yezocansi.

Kufanele futhi uhlolwe ezinye izifo ezithathelwana emacansini, i-hepatitis B le-C kanye lesifo sofuba.

Okunengi kwalokhu kuhlolwa kuzokwenziwa ngokuhlolwa kwegazi noma isampula yomchamo. Udokotela wakho kufanele akuchazele ngokuhlolwa akwenzayo, futhi kufanele ubike noma yiziphi ezinye inhlupho noma izinguquko oziqaphelayo empilweni yakho. Lokhu kuzobasiza ukuthi bakunikeze ukunakekelwa okufanele.