Inhloso enkulu yokwelatshwa yikugcina inani legcikwane egazini liphansi futhi ekucineni uthole ukucindezelwa kwegcikwane. Inani lokubambelela elidingekayo ukuze kufikwe lapha lingahlukana kancane ngomuntu lomuntu, liya ngemithi oyinathayo kanye lezinye izici zomuntu , njengokuthi ulezinye izimo zempilakahle.

Odokotela ngokuvamile basebenzisa ukubambelela okwe-95% njengesilinganiso esidingekayo sokucindezelwa kwegcikwane. Lokhu kutsho ukuthi ukubambelela kwakho ngendlela efanele kufanele kusondele ekupheleleni, kodwa nxa weqa umthamo kanye ngesikhathi ngokuvamile ngeke kuvimbe i-HIV yakho ukuthi icindezeleke. Nxa ulokhu ukhohlwa imithi yakho ye-antiretroviral, udinga ukukhuluma labezempilakahle  ngakho. Bazakwazi ukukusiza.

Ukuthatha ikhefu ekwelatshweni kwakho akukhuthazwa. Ukwelatshwa ngezidambisigcikwane  yiyo indlela kuphela  yokulawula i-HIV lokugcina amasotsha akho omzimba eqinile. Kubalulekile ukuthi abantu abayekele ukuthatha imithi yezidambisagcikwane baphinde baqale futhi masinyane. Nxa ube lekhefu elide, kufanele ubone abezempilakahle ungakaqalisi ukwelatshwa futhi. Bazafuna ukuhlola impilakahle yakho yonke futhi bangakhuthaza ukuthi uthathe ukwelatshwa okuhlukile  lesi sikhathi.

Ukuthi kulendaba noma cha nxa uthatha imithi yakho ngokudla kuya ngemithi ethile oyinathayo. Isizatho esikhulu sokuthi bakunike iseluleko mayelana lokudla yikuthi kungatshintsha indlela imithi yakho emunywa ngayo.

Njengokuthi, ukunatha i-efavirenz ngemva kokudla okulamafutha amanengi kungatsho ukuthi inani lokwelatshwa ngezidambisagcikwane elimunywa ngumzimba wakho iphakeme kakhulu. Lokhu kungenza impumela emibi ibe mibi kakhulu futhi ezingeni lomuthi emzimbeni wakho ongaba yingozi. Eminye imithi  idinga ukudla ukuze imunywe ngokupheleleyo, ngakho qiniseka ukuthi uyayizwisisa futhi uyayilandela imiyalelo yabezempilakahle.

Nxa ulodubo  ngokulandela iseluleko mayelana lokuthi ungayithatha noma cha imithi yakho ngokudla, yazisa isisebenzi sakho sezempilakahle.