Abasebenzi bezempilakahle badlala indima ebaqakathekileyo ekunakekeleni impilo yabantu abale-HIV. Ukuze abantu bathole ukunakekelwa abakudingayo, kufanele bazizwe bekhululekile ukukhuluma lesisebenzi sezempilakahle  ngempilakahle yabo.

Abasebenzi bezempilo kufanele:
1. banikeze wonke umuntu ukunakekelwa okulinganayo
2. balalelisise bengakwahluleli futhi bahloniphe imfihlo yabantu 
3. banikeze abantu isikhathi esinengi esidingekayo sokukhuluma, kungekho ukujaha
4. banikeze impendulo ezicacile, ezakhayo lezinikeza ithemba
5. bachaze izinto ngokucacile ukuze abantu bazwisise futhi bathathe izinqumo ngempilo yabo
6. ukuziphatha ngokufanele. Akufanele kube lokunyeya, ukuthethisa noma ukudlala ngothando.
 

Lapho abantu bethola lolu hlobo lokwelatshwa oluhle, manengi amathuba okuba bakhulume lezisebenzi zempilakahle  futhi banakekele kangcono impilo yabo.

Ukwesekwa kontanga kulezinzuzo ezinengi kubantu abale-HIV, njengokusiza:

1. ukunciphisa ukugula kwengqondo lomzimba
2. ukubambelela ekwelatshweni futhi ukuzwisisa  kangcono i-HIV
3. uzizwe usekelwe kakhulu futhi ungela sizungu
4. ukuba lolwazi olungcono lokunakekelwa kwezempilo
5. ukuzuza ukuzethemba futhi bazizwe belawula kakhulu impilo yabo
6. babuyele emsebenzini noma ekufundeni.

Abantu bazodinga imihlobo etshiyeneyo yokusekelwa ngezikhathi ezitshiyeneyo. Ukwesekwa kontanga kungaba lusizo ngempela lapho abantu besanda kutholakala, beqala noma betshintsha ukwelatshwa, bebhekana lokugula, izinguquko zobudlelwano noma ezinye inhlupho zempilo, noma lapho besuka ekwelatshweni kwezingane (ingane) beya ekunakekelweni  kwabantu abadala.

Kubantu abale-HIV, ukubandlululwa noma ukwesaba ngezinye izikhathi kungaba yinto embi kakhulu ngokuhlolwa isifo. Ukubandlululwa kuthinta abantu ngezindlela ezitshiyeneyo, kodwa kwabanye kungaba lomthelela empilweni yabo yengqondo, ebudlelwaneni babo futhi kubenze bacabange ngendlela ehlukile ngekusasa labo. Ukubandlululwa nge-HIV kuvame ukususelwa olwazini olungayisilo  futhi akulungile, kodwa kwabanye abantu abale-HIV kungaba lomthelela omkhulu.

Ngokombono wokunakekelwa kwezempilo, ukubandlululwa nge-HIV kungenza kube nzima ukusebenzisana  labantu ekwelatshweni lasekunakekelweni. Ukwesaba ukubandlululwa  kuvame ukwenza abantu besabe kakhulu ukuhlolwa i-HIV. Kungenza futhi ukuthi abantu abe mancane amathuba okuthi babelane ngesimo sabo futhi babambelele ekwelashweni. Zonke lezi zici zingabangela  ekuthelelekeni okutsha okwengeziwe kanye lempilo ebuthaka kubantu abale-HIV.

Ngokufanayo, abantu ababhekana leminye imihlobo yokubandlululwa kanye lokucwaswa  bangaba sengozini yokuthola i-HIV. Lokhu kungasebenza kubantu abanengi emphakathini, okuhlanganisa abantu abatsha, abantu abatshintsha ubulili, abathengisa umzimba noma abesilisa abalala lamadoda. Lapho abantu bebhekana lokubandlululwa noma ukucwaswa ngokocansi, ukukwazi ukukhuluma lezisebenzi sempilakahle kanye lokufinyelela ukwesekwa mayelana lempilo yabo yezocansi lakho kungaba ludubo kakhulu.

Kubalulekile empilweni yawo wonke umuntu ukuthi sibhekane layo yonke imihlobo yokubandlululwa. Lokhu singakwenza ngokufundisa abantu, ukutshintsha imithetho ebandlululayo kanye lokuvikela kanye lokuhlomisa abantu abale-HIV noma abantu abahlangana lolunye uhlobo lokubandlululwa.