Yebo, i-pre-cum ingaba lesidoda, esanele ukuthi umuntu azithwale. Lokhu kutsho ukuthi indlela yokuphumisa akuyona indlela ephephile yokuvimbela ukuzithwala.

Ngenxa yokuthi i-pre-cum ayiveli kumasende mancane kakhulu amathuba okuba lesidoda kuwo. Kodwa-ke, kuyenzeka ukuthi i-precum ithathe isidoda esivele siku-urethra lapho siphuma. Kuphinde kucatshangwe ukuthi amanye amadoda avuza amanani amancane esidoda ku-precum yawo. Kunoma yikuphi, awukwazi ukuqinisekisa ukuthi ngeke kube khona isidoda ku-precum yomunye, ngakho ukuvimba ukuzithwala kubalulekile ukusebenzisa olunye uhlobo lokuvimbela inzalo.

Ukukhipha izisu kuqeda ukukhulelwa ngemva kokuthi kuqalile. Kulezindlela ezitshiyeneyo zokukhipha isisu. Ngokuvamile zihlanganisa ukunatha imithi noma ukuhlinzwa okuncane. Nxa uthola ukuthi ukhulelwe, kodwa awumfuni umntwana, ungacabanga ukukhipha isisu.

Qaphela ukuthi kwamanye amazwe kungaba lemithetho ephathelane lokukhitshwa kwezisu. Kubalulekile ukwenza isiqiniseko sokuthi ukukhipha isisu kuphephile. Kufanele kwenziwe yisisebenzi sezempilakahle esilochwepheshwe  futhi ekilinika elayo ilayisenzi. Eminye imihlobo yokukhipha isisu ingaba yingozi kakhulu kwabesifazane.

Ukugeza lokuya esikhathini kuyingxenye yesaikhili yokuzala yabesifazane, okwaziwa langokuthi isaikhili yokuya esikhathini. Kulapha umzimba wesifazane odlula kuyo ukuze ulungele ukuzithwala. Ukuze ulungele ukuzithwala zinengi izinto okufanele zenzeke emzimbeni wowesifazane. Lezi yizigaba ezitshiyene kodwa khumbula ukuthi izikhathi eziqondile zizohlukana kusiya ngowesifazane. 

Usuku 1 -5: iSaikhili  iqala ngosuku lokuqala lokuya esikhathini kowesifazane lapho uphuma igazi kuqala. Igazi eliphuma esithweni lakhiwe ngulwelwesi lwesibeletho. Nxa owesifazane engazithwalanga, ulwelwesi lwesibeletho olujiyileyo olwakheke phakathi kwenyanga aludingeki futhi luqala ukubhidlika. Ulwelwesi lwesibeletho kufanele lukhitshwe, ngendlela yokuphuma igazi. Izikhathi ngokuvamile ziphakathi kwezinsuku ezingu-2 lezingu-7 kusiya ngomuntu. 

Usuku 5-14: Phose usuku lwesi-5 yilapho isikhathi esivame ukuphela ngaso ukugeza. Ngemva kokuba isikhathi sesiphelile, isibeletho siqala ukulungiselela futhi iqanda elivundisiweyo. Phose ngosuku lwesi-14, iqanda elilandelayo liyakhululwa. Abesifazane bakhipha iqanda elitsha esibelethweni sabo njalo ngenyanga. Usuku lwesi-14 yilapho owesifazane angakhulelwa.

Iqanda elikhitshwe esibelethweni lehla ngetshubhu le-fallopian ukuze lifike esibelethweni, lokhu kungathatha izinsuku ezimbalwa. Phakathi kwaleso sikhathi, isibeletho silungiselela ukwamukela iqanda. Ngesikhathi iqanda lifika, ulwelwesi lwesibeletho sowesifazane kufanele lube lukhulu, ukuze kube longwengwezi oluthambile lwezicubu okungafakwa kulo iqanda. 

Izinsuku 25-28: Nxa iqanda liyevundiswa yisidoda, lapho sifika esibelethweni sizogxila olwelweni olujiyileyo lwesibeletho. Iqanda elivundisiwe lihlala livikelekile futhi libe lakho konke elikudingayo ukuze likhule. Kulesi senzakalo, isaikhili evamile yokuya esikhathini iyaphazamiseka futhi esikhundleni salokho kuqala ukukhulelwa. Kungenjalo, nxa iqanda lingavundiswanga, lizoqala ukubhidlika kanye lolwelwesi lwesibeletho. Isaikhili iqala futhi njengoba kuqala esinye isikhathi.

Kuyo yonke isaikhili yenyanga zonke, abesifazane bangabe  lezinguquko emizweni yabo lamazinga amandla noma babhekane nokuminyanisa, ukuzwela kwamabele noma ezinye izimpawu. Lokhu kuguquguquka kubangelwa yikutshintsha kwama-hormone emzimbeni wabo alawula isaikhili yokuya esikhathini. Kwabesifazane, ukwazi ukuthi umzimba wakho lesimo sengqondo sitshintsha kanjani inyanga yonke kungakusiza uqonde ukuthi ukuphi kusaikhili yakho.