Inani legcikwane leHIV ematheni omuntu oleHIV lincane kakhulu okokuthi ngeke yathelelwana ngokuqabula. Kodwa abantu abanengi kuyabaphica ukuthi ungasebenzisa njani amathe ukuhlola iHIV.

Ukuchaza lokhu, into eyokuqala ukubakwazi yikuthi amakhithi awokuzihlola ngomlomo kadingi HIV ngokwayo, kodwa adinga amasotsha avikela umzimba. Lawa ngamaseli (cells) alungiswa ngamasotsha omzimba ukuthi alwisane legcikwane leHIV. Ngakho ke, amathe kalagcikwane eleneleyo okokuthi lingathelelwana, kodwa alamasotsha omzimba atshengisela ukuthi kulegcikwane leHIV.

Kufanele ukuqondisisa ukuthi akuhlolwa amasotsha omzimba ematheni, kodwa ke kuhlolwa okuthiwa yi ‘oral mucosal transudate’, okuba ngamanzi akhitshwa emaselini abumba izinsini lezihlathi. Yikho kumele uhlikihlele isigodo ezinsini lasezihlathini lapho okuvame ukutholakala khona amasotsha omzimba nxa uthatha isampuli emlonyeni. 

Lanxa amazwe wonke  ekhuthazwa ukutholisa inhlelo zokuzihlola , amakhithi okuzihlola katholakali yonke indawo.

Ukutholakala lokungatholakali kwawo kuyangokuthi ikilinika eseduze lawe iyawathola yini.

Ukuze ubekwazi ukuthi amakhithi okuzihlola akhona duze lawe na ungabuza izisebenzi zempilakahle.

Nxa isikhathi sokuthi igcikwane alikakhanyi egazini sesidlulile, ukuzihlola kukhipha impumela eziqondileyo njengamalaboratory nxa kungela gcikwane. Ukuzihlola ngomlomo kukhipha impumela eziqonde okwesilinganiso sokungamatshumi ayisitshiyagalolunye lasitshiyagalolunye ekhulwini (99.9%) empumeleni ezitshengisa ukuthi akula gcikwane. Lokhu kutsho ukuthi nxa isikhathi sokuthi igcikwane alikakhanyi egazini sesidlulile njalo uzihlole ngendlela eqondileyo, ukuzihlola ngeke kukhiphe impumela engayisiyo (ukutshela umuntu ukuthi kalaHIV yena elayo)

Ukuzihlola kuvame ukukhipha impumela engayisiyo kulamalaboratory nxa impumela itshengisa ukuthi kulegcikwane. Yiso isizatho kukhuthazwa ukuthi impumela etshengisa ukuthi igcikwane likhona kumele iphindwe ekilinika. Nxa siphindiwe sungaba lesiqiniseko sokuthi impumela yiyo njalo ubusuthola usizo oludingayo.