Pre - cum ( pre - ejaculation ) ingabamba inani elincane le-HIV. I-Pre - i-cum  luketshezi olucacile oluphuma kusitho sendoda phambili kokuba amadoda acheme. Kulegcikwane leHIV elincane ku-pre - cum kulokuthi kukhona isidoda, kodwa likhona. Lokhu kutsho ukuthi indlela yokuphumisa noma 'i-withdrawal' akuyona indlela ethembekile yokuvikela i-HIV ukuthi idluliswe.

Ingozi yokuthola i-HIV kusuka emacansini ingatshiyana, ngokuya ngezizatho ezinengi. Ezinye zalezi zihlobene lohlobo locansi  oluyenzayo, njengokuthi ucansi  lwe-anal kanye langesitho sesifazana kulengozi ephezulu yokudlulisela igcikwane leHIV kulocansi lomlomo. Ezinye izinto zihlobene lempilo yomuntu, njengokuthi nxa ule-STI, ingozi yakho yokuthola i-HIV iyanda. Enye yezizatho zalokhu yikuthi ama-STI amanengi adala ukudabuka esikhunjeni sezitho zakho okunganikeza indawo yokungena elula ye-HIV. Ngokufanayo, nxa umuntu esanda kuthola i-HIV, manengi amathuba okuthi ayidlulise. Lokhu kungenxa yokuthi inani legcikwane liyabe liphezulu kulezi zigaba zokuqala zokuthola umkhuhlane. Ngokuphambene lalokho, nxa unamathela kahle ekwelatshweni, ubungozi bokudlulisa kwakho i-HIV buba buncane kakhulu futhi ekucineni bube buncane uze ungabonakali.                                  

Yinto enhle ukubakwazi indlela ezinengi ezingayengeza amathuba omuntu okuthola kumbe ukudlulisa iHIV, indlela enkulu engancedisa ukuthi umuntu engatholi  iHIV yindlela zokuvikela ezifana lamaCondom kumbe iPrEP          

Awukho umuthi wokuvimba ukuthola i-HIV. Ukuvikela ukuthola i-HIV, udinga ukusebenzisa indlela yokuvikela i-HIV njengamakhondomu noma i-PrEP futhi uyekele ukwabelana imishini yokujova. I-PrEP yiphilisi elingavimba abantu ukuthi bangatholi i-HIV noma ngabe besiya ocansini ngaphandle kwekhondomu lomuntu ole-HIV. I-PrEP isebenza kakhulu ekunqandeni i-HIV kodwa akuyona umuthi , ngoba kufanele uqhubeke  luthatha i-PrEP ukuze uvikeleke. Nxa ungayekela ukuthatha i-PrEP, awusavikelekile ekutholeni i-HIV.                                      

Ijekiseni esebenza okwesikhathi eside eyePrEP engakuvikela kwesikathi eside (kaudingi ukuthi uyikhumbule nsuku zonke) yanikezwa imvumo yokuthi isetshenziswe ekuqaliseni kuka2011. Abacubungili basadinga indlela yokuthola ijekiseni engavikela iHIV.