Izintwala ze-nsitha (ezibuye zaziwa ngokuthi izinkalankala noma utwayi) yizinambuzane ezincane ezitholakala ezinweleni zensitha, njengenwele ezisemakhwapheni, inwele ezingaphansi kwamakhwapha futhi kwesinye isikhathi esilevini. Azihlali enweleni zekhanda lakho.

Zingadluliselwa ngokuthintana ngomzimba , okufana langocansi. Ukusebenzisa ikhondomu ngeke kukuvimbele ekutholeni izintwala. Into engcono kakhulu ongayenza yikuvakatshela isisebenzi sezempilakahle nxa ucabanga ukuthi ulezimpawu. Uphawu oluyinhloko yikulunywa endaweni ethintekile - ikakhulu ebusuku. Ungahle futhi ubone ukuvuvuka kubangelwa yikunweba, iphawuda emnyama esigqokweni sakho sangaphansi     lamabala ayibhuluwu noma amabala amancane egazi esikhumbeni sakho.

Ukuze  ubekwazi ukuthi ulezintwala zensitha isisebenzi sezempilakahe sizokuhlola. Nxa usutholakele ungakwazi ukwelatshwa izintwala ngokusebenzisa umuthi obulala izinambuzane, amafutha okugcoba noma ishampoo.

Ithrush yisifo esibangelwa yi-yeast fungus. Kungathinta isitho  sowesifazane, isitho sowesilisa, umlomo kanye lasezimweni ezingavamile kwezinye izindawo zomzimba. Akukhangelwa njengesifo esithathelwana ngocansi, kodwa sibuya ngocansi futhi ngezinye izikhathi sidlulela ngocansi, lakuba kungeyona indlela abantu abanengi abathola ngayo i-thrush.

I-thrush ivame kakhulu futhi  ayilangozi kakhulu. Kulinganiselwa ukuthi abesifazane abathathu kwabayi-4 bazoba le-thrush esikhathini esithile empilweni yabo. Amadoda lawo angathola i-thrush, kodwa akuvamile. Ngokuvamile abantu ngeke baqaphele noma yiziphi izimpawu, kodwa kungabangela ukugobhoza okumhlophe okuphuma esithweni sowesifazana kumbe sowesilisa  kanye lokuluma lokucubuka ezithweni. Njengoba lezi kuyizimpawu ezivamileyo kwezinye izifo ezithathelanwa ngocansi, kubalulekile ukubonana labezempilakahle nxa ubona lezi zimpawu.

Manengi amathuba okuba uthole i-thrush nxa:
1. ugqoka izingubo ezibamba kakhulu
2. usebenzisa isepha noma kunye okusetshenziswayo esithweni sakho
3. ulesifo setshukela, i-HIV noma ezinye izifo ezithinta amatsosha akho omzimba.

I-thrush iyelatshwa kalula ngemithi ye-antifungal.

Izifo ze-Urinary tract infections (UTIs) yizifo ezenzeka ku-urethra, itshubhu lapho umchemo ophuma khona. Zivame kakhulu kwabesifazane kulabesilisa ngoba abesifazane bale-urethra emfitshane. Azithelelwana ngocansi futhi azithelelwana kalula. Kodwa-ke, abesifazane bangathola i-UTIs ngemva kocansi. Lokhu kungenxa yokuthi amagcikwane angangena ku-urethra ngesikhathi socansi.

Ukuze uvikele ukuthola i-UTI, kungumqondo omuhle ukuthi uchame phambili langemuva kocansi. Kufanele futhi ungayenzi izinto ezingadlulisa amagcikwane  esuka emuva aye esithweni  sowesifazane kanye lomchamo, njengokuthi ukusuka ocansini lwangemuva kusiya ecansini lwesitho  sowesifazane. Nxa wenza lokhu, kufanele usebenzise ikhondomu entsha nxa suyenza ucansi lwesitho  sowesifazane. Kungumqondo omuhle futhi ukugeza izandla zakho phambili kokuthinta isitho sikaphathina wakho.

Ezimeni ezilula, i-UTI iba ngcono ngokwayo. Zama ukunatha amanzi amanengi futhi ungabambeleli umchemo wakho. Nxa infection ithatha isikhathi esidlula  insuku ezine, kufanele ukhulume labezempilakahle . Kungumqondo omuhle futhi ukukhuluma  labezempilakahle nxa ungakaze ube  le-UTI ngaphambilini, njengoba ngezinye izikhathi izimpawu zingafana lezifo ezithathelwana ngocansi. Bangaphinde bakunikeze ama-antibiotics ukuze welaphe isifo nxa kudingeka.